Við óskum eftir skipulögðum og jákvæðum einstaklingi með ríka þjónustulund í starf í eldhúsi/mötuneyti. Hjá sjóðnum vinna um 65 manns og auk eldhússins eru tvær kaffistofur starfsfólks og lítil verslun.

Starfið felst m.a. í að taka á móti elduðum og tilbúnum mat til framreiðslu í hádeginu, sjá um framsetningu og frágang eftir hádegismat. Einnig felst í starfinu undirbúningur og þjónusta á fundum og viðburðum með veitingum, ásamt því að halda utan um sérstök þemu í eldhúsinu, morgunkaffi, starfsmannaviðburði og kaffiaðstöðu starfsfólks.

• Reynsla af störfum í eldhúsi/mötuneyti er æskileg.
• Vinnutími er frá 9 - 15
• Í boði er traustur og góður vinnustaður.

Umsóknarfrestur er til og með 17. apríl. Sótt er um starfið á Alfred.is 

Við leitum að metnaðarfullum einstaklingum í sumarstörf á nokkrum sviðum sjóðsins. Störfin henta mjög vel fyrir einstaklinga í háskólanámi.

Við leitum af einstaklingum með jákvætt viðmót og ríka þjónustulund til að sinna ýmsum sumarstörfum hjá einum stærsta lífeyrissjóði landsins. Ef þú hefur áhuga á að vinna meðal sérfræðinga á sviði fjármála í umhverfi þar sem lögð er áhersla á liðsheild þar sem hver og einn nær að nýta hæfileika sína, tileinka sér nýja þekkingu og læra ný vinnubrögð þá er Lífeyrissjóður verzlunarmanna fyrir þig.

Hjá LV starfar 66 manna samhent liðsheild.  Við bjóðum upp á góða starfsaðstöðu og starfsumhverfi þar sem áhersla er meðal annars lögð á jafnrétti, ábyrgð og umhyggju. 

• Æskilegt er að sumarstarfsfólk geti unnið frá maí/júní og út ágúst.
• Óskað er eftir að ferilskrá fylgi umsókn með tölvupósti til starf@live.is
• Æskilegt er að umsóknir berist fyrir 15. mars 

Helstu deildir: 

• Ráðgjöf og þjónusta
• Fjármálasvið
• Skráning iðgjalda
• Lánadeild
• Upplýsingatæknisvið