Hvenær langar þig að hætta að vinna?
Hefur þú möguleika á að minnka við þig vinnu fram að starfslokum? Gætir þú verið sjálfstætt starfandi til að auka tekjur ef þess þarf? Eru atvinnugeirar sem þig langar til að prófa sem gætu hentað þér þegar líður á starfsævina?
Hvernig verða útgjöld þín?
Hjá flestum minnka útgjöldin vegna barna og bíla til dæmis en aukin útgjöld verða í tengslum við tómstundir, ferðalög og heilbrigðismál. Hvernig mun dæmið breytast hjá þér?
Verður þú skuldlaus?
Ef þú ert með húsnæðislán hvenær verður það uppgreitt? Ef þú verður með afborganir lána þegar þú ferð á eftirlaun er líklegt að það muni miklu um afkomuna. Gætirðu greitt hraðar upp, til dæmis með séreignarsparnaði?
Hver verður staða mín ef maki fellur frá?
Lífeyrissjóðir greiða allir makalífeyri en hlutfall af réttindum maka og tímalengd makalífeyris er mjög misjöfn milli sjóða. Gott er að kynna sér réttindi til makalífeyris í þeim sjóði sem makinn hefur greitt í.
Ertu ekki örugglega að greiða í séreignarsparnað?
Skoðaðu hvort þú ert ekki örugglega að greiða 4% í séreignarsparnað og nýta séreign inn á lán ef þú ert með húsnæðislán. Það er góður kostur fyrir alla að safna í séreign og margskonar hagræði. Mikil áhrif á sparnað en lítil á ráðstöfunartekjur. Berðu saman ávöxtun og kostnað á milli sjóða. Það munar um hvert prósentustig!
Stefnir þú að því að minnka við þig húsnæði?
Það getur skipt miklu máli hvort þú þarft að standa undir viðhaldi á fasteign auk þess sem það kostar meira að eiga stærri eignir.
Ertu á leigumarkaði?
Gætir þú skráð þig í félög sem bjóða upp á hagkvæma leigu eða kaup fyrir eldri borgara?
Eru þú og maki þinn með samsvarandi áætlanir?
Hjón eða sambýlisfólk hafa ekki alltaf sömu væntingar um hvernig þau vilja undirbúa sig fyrir efri árin eða hvernig þau vilja eyða þeim. Allt spilar þetta saman og því er mikilvægt fyrir pör að ræða hvernig þau sjá fyrir sér lífið á þriðja æviskeiðinu.
Gæti skipting réttinda hentað ykkur?
Er mikill munur á lífeyrisréttindum þínum og maka þíns? Ef svo er gæti skipting réttinda hentað ykkur.
Viltu vita meira?
Kynntu þér hvað þú færð með ævilöngum lífeyri, tilgreindri séreign og séreignarsparnaði. Ef þú hefur einhverjar spurningar eru ráðgjafar okkar ávallt til reiðu.
Ævilangur lífeyrir
Með því að greiða til LV tryggir þú þér ævilangar mánaðarlegar lífeyrisgreiðslur. Greiðslur eru verðtryggðar og endast ævina á enda.
Ævilangur lífeyrir
Hvað er séreignarsparnaður?
Séreignarsparnaður er einföld og hagkvæm leið til að fjölga valkostum við starfslok, greiða inn á lán eða inná fyrstu íbúðarkaupin. Nýttu þér séreignarsparnað og tryggðu þér 2% launahækkun um leið.
Hvað er séreignarsparnaður?
Hvað er tilgreind séreign?
Vilt þú auka séreignina þína án þess að greiða meira? Tilgreind séreign er tegund séreignarsparnaðar sem hentar vel þeim sem eru komnir í hálfleik á starfsævinni.