Þeir sem fá laun samkvæmt kjarasamningum VR og FTAT (Félag tanntækna og aðstoðarfólks tannlækna). 

1. janúar 2023 tóku gildi breytingar á lögum og lágmarksiðgjald í lífeyrissjóð hækkaði úr 12% í 15,5% hjá öllum launþegum og öllum sjálfstætt starfandi. Sú hækkun gildir einnig fyrir einyrkja, verktaka og sjálfstætt starfandi. 

Nánari upplýsingar má finna á vef Alþingis. 

Mánuðinn eftir að launþegi verður 16 ára ber að skila iðgjöldum í lífeyrissjóð. 

Síðasta greiðsla í sjóðinn er sama mánuð og sjóðfélagi verður 70 ára. Athugið að sjóðfélagi getur verið byrjaður að fá greiddan lífeyri en heldur áfram að ávinna sér lífeyrisréttindi af launatekjum til 70 ára aldurs. Eftir það greiðir launþegi ekki lágmarksiðgjald í lífeyrissjóð. 

Þú greiðir kröfu sem myndast í netbanka (eftir sendingu skilagreinar)

Þú leggur inn á reikning 515-26-1007 kt. 430269-4459

Sendu póst á live@live.is til að óska eftir skuldleysisvottorði fyrir þitt fyrirtæki. 

Gjalddagi er 10. dagur næsta mánaðar

Dæmi: Iðgjöld vegna launa í október eru með gjalddaga 10. nóvember. 

Eindagi - síðasti virki dagur næsta mánaðar

Dæmi: Iðgjöld vegna launa í október eru með eindaga síðasta virka dag í nóvember. 

Berist greiðsla ekki innan þess mánaðar eru reiknaðir dráttarvextir frá gjalddaga til greiðsludags. 

Innheimtuferli hefst ef iðgjöld eru ógreidd á eindaga.

Áminning er send 15. dag fyrsta mánaðar eftir eindaga, þar sem gefinn er 15 daga frestur.

Lokaaðvörun er send 10. dag annars mánaðar eftir eindaga, þar sem gefinn er 14 daga frestur.

Málið er sent lögfræðingi til innheimtu í þriðja mánuði eftir eindaga.

Dæmi ef ágúst er í vanskilum:

• Gjalddagi er 10. september.
• Eindagi er 30. september.
• Aðvörun send 15. október með fresti til 30. október.
• Lokaaðvörun send 10. nóvember með fresti til 24. nóvember.
• Málið sent til innheimtu í desember.

Eftirlit Ríkisskattstjóra

Ríkisskattstjóri safnar upplýsingum um iðgjaldsskyld laun og skil iðgjalda til lífeyrissjóða í kjölfar hvers árs. Þetta er gert með samanburði á upplýsingum af launamiðum, skattframtölum og iðgjaldaskilum til lífeyrissjóða. 

Lífeyrissjóðum ber að innheimta vangoldin iðgjöld á grundvelli upplýsinga frá Ríkisskattstjóra að viðbættum dráttarvöxtum. 

Nánari upplýsingar má finna á vef Ríkisskattstjóra. 

Félagsgjöld reiknast af sama grunni og lífeyrisiðgjaldið. Lífeyrissjóður verzlunarmanna innheimtir félagsgjöld fyrir eftirfarandi félög: 

• VR nr. 511: 0,7%
• Félag tanntækna og aðstoðarfólks tannlækna (FTAT) nr. 962: 1%

Sjóðurinn innheimtir félagsgjöld fyrir VR og Félag tanntækna og aðstoðarfólks tannlækna (FTAT), sem reiknast af sama launastofni og iðgjaldið. 

_{* Greitt af launagreiðendum sem eru í einhverju af eftirtöldum samtökum: Bílgreinasambandið, Kaupmannasamtök Íslands, Samtök atvinnulífsins, Samtök iðnaðarins, Félag atvinnurekenda, Samtök verslunar og þjónustu SVÞ, Viðskiptaráð Íslands.}

Öllum launagreiðendum er skylt að inna af hendi iðgjald, 0,1% af heildarlaunum, sem rennur til VIRK Starfsendurhæfingarsjóðs. Þetta á einnig við um þá sem ekki eiga aðild að kjarasamningum.

Samkvæmt lögum ber launagreiðanda að standa skil á iðgjaldinu til þess lífeyrissjóðs sem hann greiðir lífeyrisiðgjald til. Lífeyrissjóðnum ber þannig að hafa milligöngu um innheimtu gjaldsins og ráðstafar því svo til VIRK starfsendurhæfingarsjóðs.

Kjaramálagjald er greitt af launagreiðendum sem eru í Félagi atvinnurekenda. Gjaldið greiðist af lífeyrisiðgjaldastofni og nemur 0,17%

Gjald í félagsheimilasjóð greiðist af félagsgjaldastofni og nemur 0,25%. Gjaldið er greitt af launagreiðendum sem eru í einhverjum af eftirtöldum samtökum:

Bílgreinasambandið, Kaupmannasamtök Íslands, Samtök atvinnulífsins, Samtök iðnaðarins, Félag atvinnurekenda, Samtök verslunar og þjónustu SVÞ, Viðskiptaráð Íslands.