Óverðtryggð, fastir vextir í 36 mánuði

Vextir óverðtryggðra lána eru fastir til 36 mánaða í senn og taka mið af ávöxtunarkröfu óverðtryggðra ríkisskuldabréfa á markaði (RIKB31). Í boði eru bæði lán með jöfnum greiðslum (annuitet) og jöfnum afborgunum af höfuðstól. Þegar vaxtatímabilinu lýkur getur lántakandi valið hvort hann vill að vextir verði aftur fastir í 36 mánuði eða breytt yfir í önnur lánsform sem bjóðast hjá sjóðnum á þeim tíma, honum að kostnaðarlausu, t.a.m. verðtryggt lán.

Jafnar greiðslur (annuitet) - Greiðslur eru jafnar út lánstímann. Greiðslur breytast þó ef vextir lánsins hækka eða lækka við endurskoðun vaxta. Lántaki greiðir höfuðstólinn hægar niður fyrstu árin en afborgun af höfuðstól fer svo stighækkandi eftir því sem líður á lánstímann. Heildarvaxtakostnaður við lánið er því hærri en af lánum sem bera jafna afborgun á höfuðstól. Á móti kemur að mánaðarleg afborgun af höfuðstól er lægri framan af lánstímanum.

Jafnar afborganir - Afborganir af höfuðstól eru jafnar út lánstímann. Hver greiðsla, þ.e. samtala vaxta og afborgana af höfuðstól, fer hins vegar lækkandi eftir því sem meira greiðist af höfuðstólnum. Höfuðstóll slíkra lána greiðist því nokkuð hraðar niður en lána með jöfnum greiðslum og er því heildarvaxtakostnaður við þau lægri en af lánum með jöfnum greiðslum. Ef vextir hækka eða lækka við reglulega endurskoðun hefur það áhrif á fjárhæð greiðslu.

Óverðtryggð lán hafa almennt hærri greiðslubyrði, a.m.k. til að byrja með, í samanburði við verðtryggð lán og verður þess vegna eignamyndun hraðari.

Vextir á nýjum óverðtryggðum lánum skulu breytast á þriggja mánaða fresti frá og með 15. október 2015, nema stjórn ákveði annað. Við ákvörðun vaxta og vaxtabreytinga er miðað við að vextir séu 1,0% hærri en meðalávöxtunarkrafa síðustu þriggja almanaksmánaða á óverðtryggðum ríkisskuldabréfum á markaði, nú flokkur RIKB 31 0124.

Verðtryggð sjóðfélaglán	Óverðtryggð sjóðfélagalán
Eiginleikar Lægri greiðslubyrði a.m.k. til að byrja með. Greiðslubyrði fylgir þróun verðlags	Eiginleikar Hærri greiðslubyrði a.m.k. til að byrja með. Engar verðbætur -  hraðari eignamyndun.
Gott að hafa í huga Verðbætur bætast við höfuðstól. Mögulegt misgengi verðlags og launaþróunar.	Gott að hafa í huga Vextir geta hækkað/lækkað umtalsvert við nýja vaxtaákvörðun í takt við markaðsaðstæður. Meiri sveiflur geta verið í greiðslubyrði.

---

Jafnar greiðslur (annuitet)	Jafnar afborganir af höfuðstól
Eiginleikar Lægri greiðslubyrði fyrst í stað. Verðbólga hefur meiri áhrif á höfuðstól verðtryggðra lána.	Eiginleikar Greiðslubyrði hærri fyrst, en lækkar svo. Verðbólga hefur minni áhrif á höfuðstól verðtryggðra lána.
Gott að hafa í huga Léttari greiðslubyrði í byrjun og getur því auðveldað töku óverðtryggðs láns. Léttari greiðslubyrði við lántöku getur gefið aukið svigrúm við fasteignakaup.	Gott að hafa í huga Lækkun greiðslubyrði á lánstímanum eykur þol skuldara vegna mögulegrar lækkunar á tekjum þegar líður á lánstímann. Hraðari niðurgreiðsla höfuðstóls lækkar heildarkostnað.