Laus störf
Lífeyrissjóður verzlunarmanna leitar að metnaðarfullum námsmanni í framhaldsnámi í sumarstarf.
Sumarstarfsmaður í eignastýringu
Verkefni
- Vinnsla, skráning og hreinsun gagna tengd sjálfbærni, fyrirtækjum og fjárfestingum
- Smíði og viðhald á gagnalíkönum sem eru notuð til þess að leggja mat á frammistöðu eignasafns sjóðsins á sviði sjálfbærni og fjárfestinga
- Smíði og þróun á skýrslum tengdum eignasafni sjóðsins í Power BI
- Betrumbæting á gagnagæðum og kortlagning breyta sem notaðar eru við mat á fjárhagslegri frammistöðu eignasafnsins
- Aðkoma að þróunarverkefnum tengdum skráningu á fjárfestingakostum og öðrum verkefnum
Hæfnikröfur
- Æskilegt er að viðkomandi hafi lokið grunnprófi á háskólastigi (BA/BSc) í raungreinum, t.d. verkfræði, tölvunarfræði, hagnýtum gagnavísindum, stærðfræði, tölfræði eða á sviði viðskipta eða hagfræði
- Reynsla af og áhugi á greiningu gagna
- Æskilegt er (en ekki skylda) að aðili sé kunnug eftirfarandi atriðum
- Forritunartungumál, t.d. Python og/eða R
- Skýrslutól, t.d. Power BI
- Úrvinnslu gagna með MS SQL Server
- Útgáfustjórnunartólum eins og Git
- Microsoft Azure skýjalausn, þar með talið Azure DevOps
Ef þú hefur áhuga á að vinna meðal sérfræðinga á sviði fjármála í umhverfi þar sem lögð er áhersla á liðsheild þar sem hver og einn nær að nýta hæfileika sína, tileinka sér nýja þekkingu og læra ný vinnubrögð þá er Lífeyrissjóður verzlunarmanna fyrir þig.
LV býður upp á góða starfsaðstöðu og starfsumhverfi þar sem áhersla er meðal annars lögð á jafnrétti, ábyrgð og umhyggju. LV hlaut hvatningarverðlaun Festu fyrir sjálfbærniskýrslu fyrir árið 2022 og leggur áherslur á sjálfbærni í rekstri.
Hjá LV starfar 60 manna samhent liðsheild. LV hefur hlotið jafnlaunavottun
Æskilegt er að sumarstarfsfólk geti unnið frá maí/júní og út ágúst.
Vinsamlega sendið ferilskrá með umsókn á netfangið starf@live.is