Lífeyrissjóður verzlunarmanna sem fjárfestir

Lífeyrissjóður verzlunarmanna er langtímafjárfestir með mótaða fjárfestingarstefnu. Sjóðurinn er fagfjárfestir sem hefur að höfuðmarkmiði að hámarka eignir og réttindi sjóðfélaganna og skal það sjónarmið lagt til grundvallar við fjárfestingar og eignastýringu á verðbréfasafni sjóðsins. Fjármunir sjóðsins skulu ávaxtaðir með hliðsjón af þeim kjörum, sem best eru boðin á hverjum tíma, að teknu tilliti til varúðarsjónarmiða, áhættu og verðtryggðra langtímaskuldbindinga sjóðsins.

Hrein eign sjóðsins til greiðslu lífeyris er 269 milljarðar og er sjóðurinn annar stærsti lífeyrissjóður landsins. Að jafnaði greiða til sjóðsins um 32 þúsund sjóðfélagar og níu þúsund einstaklingar fá greiddan lífeyri frá sjóðnum.