Um sjóðinn

Lífeyrissjóður verzlunarmanna var stofnaður þann 1. febrúar 1956.  Stofnun hans kom til á grundvelli kjarasamnings sem gerður var 27. maí 1955.  Með stofnun sjóðsins var tekið veigamikið skref í tryggingarmálum verslunarfólks, sem hafði búið við mjög skertan hlut í þessum efnum, eins og flestir aðrir landsmenn.  Til þessa tíma höfðu einkum opinberir starfsmenn notið þessara trygginga.