Fjárfestingarleiðir
Sjóðurinn býður upp á þrjár fjárfestingarleiðir í séreignarsparnaði. Þær eru Ævileið I, Ævileið II og Ævileið III. Einnig er hægt að velja Ævilínu sem felur í sér sjálfvirkan flutning milli fjárfestingarleiða.
Lífeyrissjóður verzlunarmanna býður sjóðfélögum val um fjárfestingarleiðir fyrir séreignarsparnað. Eignasamsetning leiðanna byggir á eignaflokkum sem gera má ráð fyrir að hafi mismikla vænta ávöxtun og áhættu. Markmið með mismunandi eignasamsetningu milli leiða er til að mæta ólíkum þörfum sjóðfélaga svo sem aldri og áhættuþoli. Við val á fjárfestingarleið er því meðal annars ráðlagt að huga að því hve langt er í útgreiðslu, hver eignastaða sjóðfélagans er og hvert viðhorf sé til áhættu.
Ekki er hægt að segja til um það með fullri vissu hvaða fjárfestingarleið skili hæstri ávöxtun þegar horft er til framtíðar. Almennt séð er gengið út frá því að hlutabréf gefi hærri ávöxtun til lengri tíma en skuldabréf, hinsvegar eru meiri líkur á sveiflum í ávöxtun hlutabréfa og því er áhættan meiri. Lífeyrissjóður verzlunarmanna ráðleggur sjóðfélögum að draga úr áhættu í fjárfestingum eftir því sem nær dregur úttekt.
Lífeyrissjóður verzlunarmanna telur að blönduð og vel dreifð verðbréfasöfn séu hentugt fyrirkomulag við ávöxtun lífeyrissparnaðar. Til að draga úr áhættu og sveiflum í ávöxtun eignasafna þurfa þau að vera vel áhættudreifð. Skuldabréf eru hugsuð sem grunnstoð í eignasöfnum sem skila jafnri og stöðugri ávöxtun og hlutabréf hugsuð til að ná fram hærri ávöxtun til lengri tíma. Þessum markmiðum er ætlað að ná í Ævileiðum I-III, þar sem dregið er úr áhættu eftir því sem nær dregur úttekt. Lífeyrissjóður verzlunarmanna telur æskilegt að vægi hlutabréfa í lífeyrissparnaði sé að jafnaði ekki mikið yfir helmingi safnsins.
Eftirfarandi kökurit sýna skiptingu Ævileiða I til III:
 |  |  |
Ævileið I
- Hentugur fjárfestingartími: lengur en 7 ár
Ævileið I hentar vel þeim sem eru að ávaxta séreignarsparnað sinn til lengri tíma og er hugsuð fyrir sjóðfélaga yngri en 55 ára. Hlutfall hlutabréfa og erlendra verðbréfa er hæst í Ævileið I af þeim leiðum sem í boði eru. Stefnt er á að helmingur safnsins sé í hlutabréfum og helmingur í skuldabréfum. Markmið safnsins er að skila góðri langtímaávöxtun með skilvirkri eignadreifingu.
Skipting eignasafnsins í Ævileið I
Staða | Stefna | Lágmark | Hámark | |
|---|---|---|---|---|
Ríkisskuldabréf | 9% | 10% | 0% | 30% |
| Veðskuldabréf og fasteignatengd verðbréf | 21% | 25% | 0% | 50% |
| Önnur skuldabréf | 16% | 15% | 0% | 30% |
| Innlend hlutabréf | 18% | 20% | 10% | 40% |
| Innlent laust fé | 12% | 0% | 0% | 30% |
| Erlend hlutabréf | 23% | 30% | 20% | 50% |
| Aðrar erlendar eignir | 0% | 0% | 0% | 20% |
Ævileið II
- Hentugur fjárfestingartími: lengur en 5 ár
Ævileið II hentar vel þeim sem eru að ávaxta sinn séreignarsparnað til miðlungi langs tíma og er hugsuð fyrir sjóðfélaga eldri en 54 ára. Ævileið II er áhættuminna safn en Ævileið I og stefnt er á að hlutfall skuldabréfa sé um 75% af safninu og hlutabréf um 25% af safninu, þar sem vægi erlendra hlutabréfa er meira en innlendra. Markmið safnsins er að skila stöðugri ávöxtun með takmarkaðri áhættu.
Skipting eignasafnsins í Ævileið II
Staða | Stefna | Lágmark | Hámark | |
|---|---|---|---|---|
| Ríkisskuldabréf | 21% | 25% | 10% | 50% |
| Veðskuldabréf og fasteignatengd verðbréf | 27% | 35% | 15% | 70% |
Önnur skuldabréf | 20% | 15% | 0% | 30% |
Innlend hlutabréf | 11% | 10% | 0% | 20% |
Innlent laust fé | 9% | 0% | 0% | 30% |
Erlend hlutabréf | 13% | 15% | 5% | 30% |
Aðrar erlendar eignir | 0% | 0% | 0% | 20% |
Ævileið III
- Hentugur fjárfestingartími: t.d. eftir að útgreiðsla hefst
Ævileið III hentar vel þeim sem eru að ávaxta sinn séreignarsparnað til miðlungs og skemmri tíma og er hugsuð t.d. fyrir sjóðfélaga sem hafa hafið útgreiðslur. Ævileið III inniheldur takmarkaða áhættu sem næst með samsetningu skuldabréfa og innlána. Stefna safnsins er að hlutfall skuldabréfa sé um 80% af safninu og um 20% í innlánum. Hlutabréf eru ekki hluti af fjárfestingarmengi Ævileiðar III. Markmið safnsins er að varðveita áunna eign, en um leið skila jákvæðri raunávöxtun.
Skipting eignasafnsins í Ævileið III
| Staða 31.12.2018 | Stefna | Lágmark | Hámark | |
|---|---|---|---|---|
| Ríkisskuldabréf | 48% | 50% | 20% | 100% |
| Veðskuldabréf og fasteignatengd verðbréf | 26% | 30% | 0% | 60% |
| Önnur skuldabréf | 1% | 0% | 10% | 50% |
| Innlend hlutabréf | 0% | 0% | 0% | 0% |
| Innlent laust fé | 25% | 20% | 0% | 30% |
| Erlend hlutabréf | 0% | 0% | 0% | 0% |
| Aðrar erlendar eignir | 0% | 0% | 0% | 0% |
Ævilína, færsla milli eignasafna eftir aldri
Sjóðfélögum er boðið upp á sjálfvirka tilfærslu á milli fjárfestingarleiða eftir aldri og færist eign viðkomandi milli fjárfestingarleiða við eftirfarandi aldursmörk:
- Ævileið I: yngri en 55 ára
- Ævileið II: eldri en 54 ára
- Ævileið III: Frá úttekt
Ef sjóðfélagi velur ekki sjálfvirka tilfærslu á milli fjárfestingarleiða, er þó mögulegt að velja tilfærslu síðar.
Mánaðarlegt gengi Ævileiða frá stofnun
| Ævileið I | Ævileið II | Ævileið III | |
|---|---|---|---|
| September 2019 | 116.2 | 117,2 | 111,6 |
| Ágúst 2019 | 115,4 | 117,1 | 111,5 |
| Júlí 2019 | 117,0 | 117,2 | 110,9 |
| Júní 2019 | 117,4 | 117,2 | 110,5 |
| Maí 2019 | 115,7 | 115,9 | 110,1 |
| Apríl 2019 | 112,9 | 113,3 | 108,7 |
| Mars 2019 | 110,0 | 110,6 | 107,8 |
| Febrúar 2019 | 108,3 | 108,9 | 107,1 |
| Janúar 2019 | 107,8 | 108,8 | 106,9 |
| Desember 2018 | 104,0 | 106,2 | 106,6 |
| Nóvember 2018 | 106,5 | 106,7 | 105,4 |
| Október 2018 | 104,2 | 104,8 | 104,8 |
| September 2018 | 105,1 | 105,3 | 104,6 |
| Ágúst 2018 | 104,4 | 104,4 | 104,3 |
| Júlí 2018 | 103,7 | 104,4 | 104,0 |
| Júní 2018 | 104,1 | 104,0 | 103,3 |
| Maí 2018 | 103,8 | 103,8 | 103,2 |
| Apríl 2018 | 102,6 | 103,3 | 103,8 |
| Mars 2018 | 101,6 | 102,2 | 102,6 |
| Febrúar 2018 | 102,1 | 102,3 | 102,3 |
| Janúar 2018 | 103,7 | 103,3 | 102,2 |
| Desember 2017 | 102,2 | 102,5 | 102,2 |
| Nóvember 2017 | 101,5 | 102,3 | 102,0 |
| Október 2017 | 101,4 | 101,3 | 101,0 |
| September 2017 | 100,5 | 100,7 | 101,0 |
| Ágúst 2017 | 100 | 100 | 100 |
Ávöxtun Ævileiða eftir tímabilum
| Ævileið I | Ævileið II | Ævileið III | |
|---|---|---|---|
| 2017 | 2,2% | 2,5% | 2,2% |
| 2018 | 1,8% | 3,6% | 4,3% |
| YTD | 11,8% | 10,6% | 4,7% |
| 1 mán | 0,7% | 0,3% | 0,1% |
| 3 mán | -1,0% | 0,3% | 1,0% |
| 6 mán | 5,7% | 6,2% | 3,6% |
| 12 mán | 10,6% | 11,6% | 6,8% |
| Frá upphafi | 16,2% | 17,5% | 11,6% |
Ávöxtun hér er reiknuð útfrá daglegu gengi eigna. Ávöxtun tímabila annarra en áranna 2017 og 2018 miðast frá gengi í september 2019.
Mynd: Nafnávöxtun Ævileiða frá stofnun leiðanna.