Heimild til úttektar á séreignarsparnaði framlengd

3. jan. 2014

Alþingi samþykkti í desember 2013 að framlengja heimild til úttektar á séreignarsparnaði til ársloka 2014 og hækkaði um leið þá heildarfjárhæð sem heimilt er að taka út.

Alþingi samþykkti í desember 2013 að framlengja heimild til úttektar á séreignarsparnaði til ársloka 2014 og hækkaði um leið þá heildarfjárhæð sem heimilt er að taka út.

Nánari upplýsingar um sérstaka heimild til úttektar séreignarsparnaðar:

  • Heimilt er að greiða út til sjóðfélaga allt að 9.000.000 kr. á 15 mánuðum eða 600.000 kr. á mánuði fyrir skatt. Útgreiðslutíminn styttist hlutfallslega ef um lægri fjárhæð en 9.000.000 kr. er að ræða.
  • Inneignin sem hægt er að taka út miðast við stöðuna 1. janúar 2014, þó aldrei hærri upphæð en 9.000.000 kr.
  • Sérstök heimild til úttektar séreignarsparnaðar nær ekki til greiðslna sem berast í sjóðinn eftir 1. janúar 2014.
  • Greiðslur sem greiddar hafa verið samkvæmt eldri heimildum dragast frá heildarfjárhæð sem heimilt er að greiða út.
  • Þeir sem þegar hafa sótt um útgreiðslu séreignarsparnaðar samkvæmt eldri heimild og vilja gera breytingar í samræmi við nýja heimild þurfa að sækja um breytt greiðslufyrirkomulag með nýrri umsókn.
  • Greiddur er tekjuskattur af fjárhæðinni. Nánar um tekjuskatt.
  • Það er á ábyrgð sjóðfélaga að upplýsa sjóðinn um í hvaða skattþrepi skattgreiðsla á að vera.
  • Útgreiðslur séreignarsparnaðar skulu hefjast eigi síðar en einum mánuði eftir að fullnægjandi umsókn berst vörsluaðila og greiðast mánaðarlega.
  • Vörsluaðilar lífeyrissparnaðar, svo sem Lífeyrissjóður verzlunarmanna, þurfa samþykki ríkisskattstjóra áður en útgreiðsla getur hafist.
  • Heimild til úttektar gildir til 1. janúar 2015, þ.e. síðasti dagur til þess að sækja um útgreiðslu er 31. desember 2014.
  • Sjóðfélagi getur afturkallað beiðni um útborgun á útgreiðslutímabilinu.

 Greiðslutilhögun:

  • Greitt er úr séreignardeild síðasta virka dag hvers mánaðar.
  • Skila þarf inn skriflegri umsókn um útgreiðslu.
  • Rafræn umsókn.
  • Umsókn þarf að berast fyrir 20. dag útgreiðslumánaðar.

Lífeyrissjóður verzlunarmanna innheimtir ekki gjald vegna útgreiðslu úr séreignardeild þrátt fyrir heimild í reglugerð.

Upplýsingar um eldri heimild .

Nánari upplýsingar er hægt að fá í þjónustuveri sjóðsins, Húsi verzlunarinnar, Kringlunni 7, 5. hæð, í síma 580 4000 eða með því að senda tölvupóst á póstfangið: skrifstofa@live.is.