Yfirlit send sjóðfélögum

28. sep. 2012

Yfirlit um stöðu lífeyrisréttinda sjóðfélaga í Lífeyrissjóði verzlunarmanna hafa nú verið póstlögð til allra virkra sjóðfélaga sem greitt hafa iðgjöld til sjóðsins á árinu. Flestir ættu að hafa fengið yfirlit sín í dag, en verið getur að einhver berist ekki fyrr en eftir helgina.

Yfirlit um stöðu lífeyrisréttinda sjóðfélaga í Lífeyrissjóði verzlunarmanna hafa nú verið póstlögð til allra virkra sjóðfélaga sem greitt hafa iðgjöld til sjóðsins á árinu. Flestir ættu að hafa fengið yfirlit sín í dag, en verið getur að einhver berist ekki fyrr en eftir helgina.

Í yfirlitinu koma fram upplýsingar um skil iðgjalda hvers sjóðfélaga og um réttindi hans til lífeyris frá sjóðnum. Einnig koma fram upplýsingar um séreignarsparnað.

Mikilvægt er fyrir hvern og einn sjóðfélaga að kanna sitt yfirlit, ekki síst hvort iðgjöld hans hafi skilað sér til sjóðsins, þar sem iðgjöldin eru grunnur lífeyrisréttinda hans.

Með sjóðfélagayfirlitinu fylgir bréf frá framkvæmdastjóra, þar sem m.a. koma fram helstu upplýsingar um starfsemi sjóðsins á fyrri hluta ársins.

Berist sjóðfélaga ekki yfirlit er rétt að grennslast fyrir um það hjá okkur, með tölvupósti á netfangið skrifstofa@live.is eða með því að hringja.