Fréttasafn

Meðalraunávöxtun norska olíusjóðsins síðustu tuttugu árhefur verið 4,1% í uppgjörsmynt sem þykir mjög góð ávöxtun. En meðalraunávöxtun Lífeyrissjóðs verslunarmanna yfir sama tímabil hefur verið 4,2% eða 0,1 prósentustigi meira. „Norski olíusjóðurinn getur sannarlega verið fyrirmynd okkar á mörgum sviðum en hvað varðar ávöxtun þá höfum við verið á pari og gott betur,“ sagði Guðrún Hafsteinsdóttir, stjórnarformaður Lífeyrissjóðs verzlunarmanna, meðal annars í skýrslu stjórnar á ársfundi sjóðsins þann 21. mars síðastliðinn.

Þetta ár mun fara í flokk með þeim bestu í sögu sjóðsins, hvað ávöxtun varðar, sagði Guðrún Hafsteinsdóttir stjórnarformaður þegar hún flutti skýrslu stjórnar um árið 2017 á ársfundi sjóðsins, sem haldinn var á Grand Hotel Reykjavík þann 21. mars 2018.

Lífeyrissjóður verzlunarmanna, eigandi 13,3% hlutafjár í N1, lýsir undrun sinni á ákvörðun stjórnar N1 um launahækkun forstjóra félagsins. 

Ársfundur Lífeyrissjóðs verzlunarmanna verður haldinn miðvikudaginn 21. mars á Grand Hótel Reykjavík. Fundurinn hefst klukkan 18:00.

Rekstur Lífeyrissjóðs verzlunarmanna gekk vel á liðnu ári - Allir helstu eignaflokkar skiluðu jákvæðri ávöxtun

Stjórn Lífeyrissjóðs verzlunarmanna hefur ákveðið að leita eftir framboðum áhugasamra um setu í stjórnum félaga með stuðningi sjóðsins. Þessi ákvörðun er í takti við þær breytingar sem hafa verið að gerast undanfarin misseri varðandi opnari og gagnsærri stjórnarhætti í samfélaginu, og stefnu lífeyrissjóðsins.

Lífeyrissjóður verzlunarmanna greiddi samtals rúmlega 13.609 milljónir króna í lífeyri á árinu 2017. Það er nærri 11% aukning frá árinu áður, þegar greiðslurnar voru samtals 12.281 milljón króna. Á sama tíma fjölgaði lífeyrisþegum úr 14.736 að meðaltali yfir árið í 15.946, eða um 8,2%.

Við óskum sjóðfélögum okkar og landsmönnum öllum gleðilegra jóla og farsældar á komandi ári. Þökkum samstarfið á liðnu ári.

Lífeyrissjóði verzlunarmanna (LV) þykir miður þau sjónarmið sem komið hafa fram í fjölmiðlum um að sjóðurinn hafi ekki sinnt eðlilegri hagsmunagæslu fyrir sjóðfélaga þegar ákveðnar voru kaupaukagreiðslur til stjórnenda og stjórnar Klakka. 

Samanburður ávöxtunar samtryggingardeildar Lífeyrissjóðs verzlunarmanna við ávöxtun samtryggingardeilda annarra íslenskra lífeyrissjóða er sjóðnum hagstæður.

OECD birti á dögunum tölur um rekstrarkostnað lífeyriskerfa í nokkrum löndum árið 2016. Þar kemur fram að á Íslandi hafi hann svarað til 0,24% af meðaleignum sjóðanna. Starfsmenn voru þá að meðaltali 250.

Því er oft haldið fram að vegna ávöxtunarviðmiðs lífeyrissjóðanna séu vextir háir á Íslandi. Fullyrt er að lífeyrissjóðirnir forðist að fjárfesta í skuldabréfum á lægri ávöxtunarkröfu og því geti vextir treglega lækkað niður fyrir viðmiðið. Sumir ganga jafnvel svo langt að tala um lögbundna ávöxtun sjóðanna sem geri sjóðunum erfitt fyrir eða ómögulegt að kaupa skuldabréf á lægri kröfu eða með lægri vöxtum.

Yfirlit um stöðu lífeyrisréttinda sjóðfélaga í Lífeyrissjóði verzlunarmanna hafa nú verið póstlögð til allra virkra sjóðfélaga. Um leið býðst sjóðfélögum að afþakka að fá yfirlitið framvegis á pappír.

Stjórn Lífeyrissjóðs verzlunarmanna samþykkti nýja fjárfestingarstefnu fyrir sjóðinn á fundi sínum þann 22. júní síðastliðinn. Með henni eru innleiddar reglur nýrra laga um fjárfestingarstarfsemi lífeyrissjóða og eignastýringu.

Breytingarnar verða kynntar á sérstökum aukaársfundi sjóðsins, sem haldinn verður á Grand Hótel Reykjavík miðvikudaginn 21. júní klukkan 09:00.

Mótframlag launagreiðenda í lífeyrissjóð hækkar frá og með júlílaunum næstkomandi. Mótframlagið verður þá 10%, en iðgjald launþega verður óbreytt áfram, 4%. Sjóðfélagar hafa val um hvort viðbótarframlaginu, 2%, verður ráðstafað í samtryggingu eða tilgreinda séreign.

Frá og með júlí launum hækkar mótframlag launagreiðanda í lífeyrissjóð úr 8,5% í 10%.

Lífeyrissjóður verzlunarmanna óskar eftir að ráða starfskraft í lífeyrisdeild sjóðsins. Helstu verkefni eru þjónusta við sjóðfélaga varðandi upplýsingagjöf og ráðgjöf um lífeyrismál, öflun og skráning gagna sem og úrskurður lífeyris. Um fullt starf er að ræða og æskilegt er að viðkomandi geti hafið störf sem fyrst.

Stjórn Lífeyrissjóðs verzlunarmanna hefur boðað til aukaársfundar sjóðsins miðvikudaginn 21. júní nk.