Kennitölur
Hér eru settar fram helstu kennitölur úr ársreikningi 2016. Kennitölurnar eru sýndar 5 ár aftur í tímann eða allt til ársins 2012.
Ávöxtun
Nafnávöxtun á árinu 2016 var 0,9% sem samsvarar -1,0% raunávöxtun. Hrein ávöxtun, það er þegar rekstrarkostnaður hefur verið dreginn frá hreinum fjármunatekjum, var 0,9% sem samsvarar -1,2% hreinni raunávöxtun.
Hrein raunávöxtun síðustu fimm ára var 6,4% og síðustu tíu ára 1,2%. Hrein raunávöxtun sjóðsins síðustu tuttugu árin var 4,4%.
Tafla: Ávöxtun 2012-2016
| Ávöxtun | 2016 | 2015 | 2014 | 2013 | 2012 |
|---|---|---|---|---|---|
| Hrein nafnávöxtun* | 0,9% | 12,4% | 9,8% | 10,2% | 13,4% |
| Raunávöxtun* | (1,0%) | 10,3% | 8,7% | 6,4% | 8,6% |
| Hrein raunávöxtun* | (1,2%) | 10,2% | 8,7% | 6,3% | 8,5% |
| Hrein raunávöxtun (5 ára meðaltal) |
6,4% | 7,3% | 5,9% | 4,4% | (2,4%) |
| Hrein raunávöxtun (10 ára meðaltal) |
1,2% | 2,5% | 3,1% | 3,4% | 3,9% |
|
Hrein raunávöxtun |
4,4% | 4,9% | 4,7% | 4,6% | 4,6% |
* Ávöxtun er reiknuð skv. reglum FME (ekki daglegt gengi eigna
Skipting fjárfestinga eftir gjaldmiðlum
Á meðfylgjandi mynd má sjá hvernig eignir í íslenskum krónum og eignir í erlendum gjaldmiðlum hafa þróast á síðustu árum.
Skipting eftir tegund lífeyris
Ellilífeyrir er stærsti flokkurinn en þar á eftir koma örorku-, maka- og barnalífeyrir. Skiptingin hefur haldist nokkuð jöfn á milli ára en ellilífeyririnn hefur þó aukist jafnt og þétt. Að sama skapi hefur hlutfall allra hinna flokkanna lítillega minnkað.
Fjöldi sjóðfélaga og lífeyrisþega
Meðalfjöldi lífeyrisþega var 14.572 á liðnu ári og hefur fjöldinn því nærri tvöfaldast á einum áratug.
Lífeyrir í hlutfalli af iðgjöldum nam 47,9% á liðnu ári.
