Upplýsingar um þjónustu og einstök úrræði vegna COVID-19

Skrifstofa sjóðsins er lokuð fyrir almennri umferð, en er opin fyrir afhendingu og móttöku skjala. Áfram verður hægt að koma skjölum til afgreiðslu í póstkassa á jarðhæð (0 hæð) í Húsi verslunarinnar og reka erindi í síma og með tölvupósti. 

Þinglýsingar

Sjóðurinn býður lántakendum að fara með skjöl til þinglýsingar. Það léttir á skrifstofu Sýslumanns höfuðborgarsvæðisins, flýtir afgreiðslu og eykur öryggi allra gagnvart smithættu. Vilji sjóðfélagar sjálfir fara með skjöl til þinglýsingar eru þeir beðnir að fara að leiðbeiningum embættis sýslumanns um að annað hvort senda skjölin til sýslumanns í pósti ásamt nafni, símanúmeri og/eða netfangi, eða koma í afgreiðslu sýslumanns og skilja þau eftir í þar til gerðum kassa, með sömu upplýsingum.


Hér eru ýmsar upplýsingar um þjónustu sjóðsins sem varða þessar aðstæður, t.d. rafrænar dreifileiðir, upplýsingar um úrræði, spurningar og svör.

Sérstök úrræði

Við leggjum áherslu á að veita skjóta og skilvirka þjónustu. Nú vinna hins vegar margir starfsmenn heiman frá sér og veikindi geta einnig dregið úr afköstum. Því viljum við biðja viðskiptavini um að sýna því skilning þótt hægt geti á þjónustu.

Útgreiðsla séreignarsparnaðar vegna COVID-19

Tímabundin heimild

  • Sótt er um rafrænt á sjóðfélagavefnum.
  • Hámarksútborgun er 12 milljónir króna yfir 15 mánaða tímabil. Útgreiðslutími styttist hlutfallslega ef séreignarsparnaðurinn nemur innan við 12 milljónum.
  • Mánaðarleg greiðsla getur numið allt að 800.000 krónum á mánuði
  • Heimildin nær ekki til tilgreindrar séreignar
  • Staðgreiðsla er dregin af útgreiðslu

Lífeyrissjóðslán - úrræði 

  •  Greiðsluhlé er skilmálabreyting á skuldabréfi. 
  • Greiðsluhlé felur það í sér að afborganir í að lágmarki þrjá upp í allt að sex næstu mánuði falla niður, þ.e. ekki er greitt af láninu þann tíma sem greiðsluhlé varir. 
  • Á sama tíma eru hins vegar áfram reiknaðir samningsvextir og verðbætur samkvæmt skilmálum skuldabréfsins. 
  • Að greiðsluhlé liðnu er skuldara sendur greiðsluseðill með almennum hætti.

Upplýsingar um greiðsluhlé.

Upplýsingar um greiðsluerfiðleikaúrræði.

Þjónustan á netið

  • Á vef sjóðsins eru ítarlegar upplýsingar um lánamál, lífeyrisréttindi og annað sem varðar hagsmuni sjóðfélaga. Öll umsóknarform eru aðgengileg hér. Einnig er þar að finna spurningar og svör við algengum spurningum. Launagreiðendur sjá stöðu sína á fyrirtækjavef sjóðsins og á vef sjóðsins.
  • Sjóðfélagavefurinn er alltaf aðgengilegur. Þar er að finna allar upplýsingar um réttindi í sjóðnum, lífeyrisgreiðslur og stöðu lána. Einnig er hægt að sækja um ellilífeyri og örorkulífeyri.
  • Skrifstofa sjóðsins er lokuð allri umferð vegna veirufaraldursins. Hægt er að koma skjölum til skila/afgreiðslu og bréfapósti til sjóðsins í póstkassa á Jarðhæð/hæð 0 í Húsi verslunarinnar, Kringlunni 7. Einnig er hægt að senda okkur skönnuð skjöl á netfangið skrifstofa@live.is og reka erindi og fá upplýsingar með tölvupósti í sama netfang eða með því að hringja í síma 580 4000.

 

Við erum einnig til staðar í síma 580 4000 og á netfanginu skrifstofa@live.is.
Skiptiborð og símaþjónusta er opin frá 9:00 til 16:00 mánudaga til fimmtudaga og frá 9:00 til 15:00 á föstudögum.